Yanditswe na RUBIBI Jean Luc
Bidasubirwaho nyuma yo kwimonogoza mu burozi, ubutegetsi bwa Paul Kagame bwaterewe ikizere kuburyo inshingano zo kugaburira cyangwa guha amazi Paul Rusesabagina zavanywe mu maboko y’abamufunze!
Ni nyuma y’igikorwa cy’ubushimusi cyakurikiwe n’ibinyoma by’abambari ba Kagame bavuze ko bataye muri yombi Paul Rusesabagina ku bufatanye n’amahanga batabashije kuvuga, nyuma bikaza kugaragara ko yaba Leta zunze Ubumwe z’Abarabu nk’igihugu yakuwemo, Ububiligi nk’igihugu yari afitiye ubwenegihugu, Leta zunze Ubumwe za Amerika nk’igihugu yarasanzwe abamo cyanamuhaye “Green Card” ndetse n’igipolisi mpuzamahanga Interpol, byose nta ruhare na ruto byagize mu ifatwa rya Bwana Rusesabagina. Bikaba biraza kwitwa ishimutwa ntakabuza!
Amakuru agera ku Ijisho ry’Abaryankuna aratubwira ko ubutegetsi bwa Kagame bwihanangirijwe bikomeye kuba bwamukozaho n’urwara kandi bukaba butemerewe kumugaburira cyangwa kumuha amazi. Izo nshingano zahawe imwe muri ambasade ikomeye i Kigali.
Usibye Guverinoma ya Kagame muri rusange, inzego z’ubutasi zose za Kagame , RIB n’Ubushinjacyaha ubu bose barahumekera mu kwaha nk’umuserebanya. Ayo basekeshaga batangiye kuyaririsha! Uwabanje kudagadwa ni Vincent Biruta uherutse kumvikana mu bitangazamakuru yemeza ko Paul Rusesabagina ari umunyarwanda n’ibindi…uyu mugabo yibagiwe ko iyo umuntu abaye impunzi asubiza Pasiporo y’igihugu ahunze (iyo ayifite) akakirwa n’ikindi gihugu kiyemeza kumurindira umutekano, kikaba gishobora no kugera ubwo kimuha ubwenegihugu!
Inzego z’ubutasi za Kagame zari zimaze igihe ziregwa ubushimusi zarigize nyoni nyinshi ariko birangiye zifatiwe mu cyuho zikaba zibaye nka cya gisambo basanze mu kigega bakibaza uko cyagezemo kigasubiza ko “cyanyereye kikagwamo!” Kuri iki kibazo ntawe uzi uko ziraza gusubiza kuko ibyo kuvuga ko zafatanyije n’amahanga byo byamaze kuzikwamana. Yahariwe Nankana!
Andi makuru atariho umukungugu ni uko ku nshuro ya mbere mu Rwanda hagiye kumanukira abavoka bakomeye kuruta abandi bose bunganiye abantu kuva rwabaho, bose baje kunganira Paul Rusesabagina! Aho bukera murumva ba Ruberwa, Nkusi n’abandi badidimanga!
Aya makuru dukoje kuyabakurikiranira!
RUBIBI Jean Luc
ariko muzi ko atabwenge mufita Reka guta umwanya ivy ‘uyu mugabo yaterefonye ahatariho!!!
umurwanyi afise abantu bahanganye na RDF na leta urunva ko bamufata hakaba ho ikindi kintu
reka kwidigadiga Rusesabagina ivyiwe birarangiye!!!! mbega igihe yatwika abantu nyabihu(ingabo ze) ntiyarafise Green card canke se ntiyari impunzi cangwa umubiligi. Umenye ko impuzi igiye kurugamba ishobora kugwayo!! nivyo vyabaye
abo ba avoka uvuga none bazozura abo FLN ya Rusesumugina yishe!
Mbega Ben Laden Ko yishwe na Amerika ntabwenegihugu yarafise!!