Yanditswe na Nema Ange
Ejo ku i tariki ya 14 Nzeri 2020, Paul Rusesabagina yitabye urukiko ku byaha 13 aregwa. Umwanzuro w’iburanisha uzasomwa ku i tariki ya 17 Nzeri 2020. Nyuma yurwo rubanza, umukobwa wa Paul Rusesabagina, Carine Kanimba, abinyujije k’urubuga rwe rwa Twitter, yatangaje ko ibyabaye ejo ari ikinamico.
Nkuko Carine Kanimba yabitangaje umuryango wa Rusesabagina ndetse n’abanyamategeko bihitiyemo ntibari bazi iby’iryo buranisha : “Nta nubwo twari tuzi ko azitaba urukiko kuwa mbere kubera Umwunganira mu mategeko washyizweho na Leta atabitubwiye. Twamenye iby’urubanza mu itangazamakuru, ibi ni ubutabera bw’ikinamico”.
Muri tweets nyinshi Carine Kanimba yakoze mu cyongereza, mu gifaransa ndetse no mu Kinyarwanda, imwe muri zo yavuzemo ko : “Biriya twaraye tubonye ni ikinamico, ntabutabera twabonyemo. Dufite impungenge k’ubuzima bwe, tubona yarahindutse, isura ryarahindutse , n’ibara ry’uruhu ryarahindutse.Turasaba leta y’u Rwanda gusobanura uko yamufashe”.
Amafoto ya Paul Rusesabagina yateye impungenge Abanyarwanda benshi kubera biboneka ko nyuma y’ibyumweru bibiri gusa ari mu maboko ya Leta ya Kagame yahindutse cyane kandi akaboneka nkufite intege nke. Umukobwa wa Rusesabagina yayakomojeho agira ati : “Ibumoso ni ifoto ya data mu byumweru bibiri bishize, iburyo ni ifoto ya data ejo hashize. Dutewe impungenge n’uburyo ari kwitabwaho. Dutewe ubwoba n’ubuzima bwe ».
Ubundi mu butumwa yanditse yagize ati : “Guceceka ni uburyo bwo gushyigikira nkuko Data yajyaga abivuga. Mbere ya 1994 ntiyacecetse, muri 1994 ntiyacecetse aho yarokoye abantu 1268. Nyuma ya 1994 ntabwo yanze guceceka none ubu ashobora kuzafungwa burundu azize ubutabera bw’ikinamico”.
Natwe Abaryankuna ntitwaceceka kuri ako karengane gakomeje gukorerwa Rusesabagina. Turasaba Leta ya Kagame kuvuga aho yari afungiye kuva ku i tariki ya 28 kanama kugera ku i tariki ya 31 kanama 2020.
Turasaba ko Leta ya Kagame yakuraho umunyamategeko yahitiyemo Rusesabagina ikareka abanyamategeko umuryango we wihitiyemo bakamwunganira.
Mushobora gukurikira umukobwa wa Rusesabagina Carine kanima k’urubuga rwe rwa Twitter : https://twitter.com/ckanimba
@ckanimba
Nema Ange
Muvuze ngo m’ivyo umweru bibiri RUSESUMUGINA asa nabi!
Ariko agishira agatsiko FLN ngo agwana na RDF na reta y’ugwanda yaziga ko atazafatwa kuko ari kure y’u Rwanda (BURAYI na AMERIKA,…) afashwe ubundi wokwibaza ngo ase gute?
Nta hantu kw’isi umwicanyi afunze asa neza , ese aribaza ivyo yangirije n’abo yishe NYABIHU uko ubu ngubu basa!
Murabaza ngo Reta y’ugwanda ibasabanuririre ingene yafashwe n’aho yamaze iminsi, vyoroshe mubibaze Twagiramungu, reta y’ u Rwanda murakorana aho muyisaba ibisobanuro
KURA KU RIPAA