Biteye isoni kubona Perezida wa Repubulika acuruza akageza ubwo ajya no gutemuza amafaranga ku bana bishwe na bwaki abagira ikiraro cyo kwambukiraho ajya gucuruza mu bitaro! Sinzi uwahanuye ko “…bazarya akaribwa n’akataribwa”…! Kuva ikibazo k’imirire mibi mu bana Kagame n’Umugore we barabone ari ikintu cyo kubyazwa umusaruro ntishobora kurwanywa ngo irandurwe,ahubwo izakomeza kongerwa ngo iryo soko naryo rikomeze kubaho!
Mu bigonderabuzima no mibitaro byose habamo ibikorwa byo kurwanya imirire mibi Kandi hakabamo n’ imiryango myinshi itegamiye kuri Leta (NGO) itera inkunga mu buryo bw’amafaranga kugira ngo abo bana abna bafite ikibazo cy’imirirere mibi n’igwingira bitabweho.
Hashize igihe Kagame n’umugore we babivumbuyemo isoko rikomeye cyane dore ko ikibazo cya bwaki, kugwingira n’izindi ndwara zifatiye ku mirire mibi zabaye ndanze mu Rwanda kubera politiki mbi ya FPR-Inkotanyi iyoboye igihugu . Kugira ngo ayo mafaranga atabacika, byose babishyize mu maboko y’abasirikare, hanyuma bashora n’amafranga bubaka inganda,zitunganya ibiryo byibikorano nka “Africa Improved Food”, uruganda rukora ibyokurya by’abana bari hejuru y’amezi 6, Kagame n’umugore we nabo ntibatanzwe bafashe iya mbere ku bisa n’ingufu no kwishakira indonke bategeka ibitaro byose n’Ibigonderabuzima kujya bikoresha amata y’uruganda rwabo “Inyange” mu kurwanya imirire mibi, noneho rya faranga ya miryango itegamiye kuri Leta n’abandi baterankunga banyuranye batanga,rikaruhukira mu mifuko ya Kagame na Mugore we Jeannette Kagame, asigaye akajya muri RDF kuko ariyo icunga izindi nganda zikora ibyo biryo bavuga ko birwanya imirire mibi!
Ijisho ry’Abaryankuna nyuma yo kuzenguruka mu bigonderabuzima binyuranye, ryabajije umwe mu baganga bize ibijyanye n’imirire (Nutritionist) maze adusobanurira ko ibyo abona mu Rwanda ari agahomamunwa gusa nta kindi! Yagize ati:
“ Aya mata,usanga akenshi ameze nk’amazi urumva nta binyamavuta birimo nta na Vitamini zikenewe kugira ngo uwo mwana abe yakira, ayo mata aba afite! Ikindi,ntabwo ari amata yose babonye bapfa gufata ngo bajyanye kuvura imirire mibi, Never! Kubijyanye n’amata, ahandi barayafata bakongeramo intungamubiri zikenewe, cyangwa se bakagira izo bagabanyamo. Urugero mu mata y’inka habamo protein yitwa ‘Casein’,iyi irakomeye ntabwo ipfa kugogorwa ku bana! Ahandi,hari uburyo iba ikozwe kugira ngo bibe yafasha abo bana. Ariko hano usanga ari nayo bakoresha mu maduka hanyuma bagashakira n’amasoko mubitaro atari ugufasha aba bana ahubwo bishakira amafaranga!”
Mu kiganiro twagiranye yatubwiye ko bibaje cyane kubona ubutegetsi bwa FPR bugeze n’aho bushakira indonke ku bana barwaye bwaki n’abandi bafite ibibazo by’imirire mibi ! Yakomeje agira ati:
“Ubundi hari bwaki ifata umwana ukabona yaragiye arahisha kandi arabyimbagatana! Hari n’indi ifata umwana agahorota cyane. Ibyo ni ibintu bibiri bitandukanye. No kubivura bikorwa ku buryo butandukanye kuko binasaba intungamubiri zitandukanye! Ikibabaje ni uko ababikoramo batabigaragaza ntibikwiye ko amata akoreshwa n’abantu bakuru,ariyo ajya kurwanya imirire mibi mu bana! Ababikora bishakira amafaranga ni abanyabyaha mu bandi, kandi n’ababikoramo babizi barabyize ntibagire icyo bavuga ni abafatanyacyaha! Ni ba Mpemukendamuke!”
N’ubwo uyu muganga watuganirije tutashyize ahagaragara amazina ye kubera impamvu z’umutekano, avuga ko aya mata atakombye gukoreshwa, ayo mata ahubwo nayo agera kuri abo bana ni mbarwa kuko amenshi agurishwa nyuma yo kwakirwa! Ubugenzuzi bwakozwe na Minisiteri y’Ubutegetsi bw’igihu mu ntangiriro z’uyu mwaka, bwagaragaje ko mu ntara y’Uburengerazuba honyine harigishijwe litilo 22,232 zose ½ cy’ayo akaba yaranyererejwe mu Karere ka Rubavu.
Uruganda Inyange bizwi ko ari urw’umuryango wa Paul Kagame, bimaze kumenyerwa ko rushaka amasoko ku ngufu. Nk’ubu amanama yose abera mu gihugu byabaye nk’itegeko bagomba gukoresha amazi y’Inyange. Uruganda rwa Sulfo rwari rusanzwe ruza ku isonga mu gucuruza amazi ya Nil ubu rwarihanaguye! None bagiye no mibitaro nta mpuhwe ntaki ngo amata y’Inyange nakoreshwe mu kurwanya imirire mibi!
Ikibazo cy’imirire mibi cyarushijeho gukaza umurego aho Leta yadukanye gahunda yo guhuza ubuta ikajya itegeka abaturage ibyo bahinga,kandi nabyo ikabategeka igihe basarurira n’uko bakoresha uwo musaruro wabo. Cyongeye gukazwa kandi n’ubukene bwiyongera muri rubanda rwo hasi kuko uburyo bwo kubona amafaranga ku muturage wo hasi biba bitoroshye kubera amananiza azanwa n’ubutegetsi.
Wagira ngo Kagame hari uwamutumye amafaranga!!!
RUBIBI Jean Luc
Umujyi wa Kigali.