Yanditswe na Byamukama Christian
Nyuma yo gutanga amafaranga y’umurengera ngo ikipe ya Arsenal ijye yamamaza « Visit Rwanda », Kagame utajya yikoza ibibazo biri mu mikino n’imyidagaduro mu Rwanda Yasaze yasizoye, umujinya w’umurandura nzuzi urenda ku mutsinda mu rugwiro !!
Uku guca ibiti n’amabuye kwa Kagame ku mbuga nkoranya mbaga nka twitter yaho byatangiye nyuma yaho kur’uyu wa Gatanu taliki ya 13 Kamena 2021 mu mukino ubanza wa champiyona y’ubwongereza « English premier league ikipe ya Brentford yisasiye iya Arsenal ikayinyagira 2-0.
Gutsindwa uy’umukino kuri Kagame byabaye nko gupfusha imbyeyi, maze ajya kumbuga nkoranyambaga ari ivovota karahava.
Twabibutsa ko uretse ibya hwihwiswaga ko Kagame afana ikipe ya Arsenal, muri 2018 ariho yafashe Miliyoni 40 z’amadolari mu misoro y’Abanyarwanda akajya gusinyana amasezerano n’ubuyobozi bw’iy’ikipe y’imyaka itatu kugirango ijye yambara logo ya « Visit Rwanda »
Byitiriwe guteza imbere ubukerarugendo mu Rwanda.
Ibi ariko ntibyavuzweho rumwe n’Abanyarwanda batandukanye mu gihe imikino n’imyidagaduro mu Rwanda ibura abaterankunga kandi n’amafaranga ava m’ubukerarugendo ntibamenye aho arigitira kandi yagakwiye kuba imwe mu nkingi zo kuzamura umusaruro w’igihugu kikava mu guhora gifata amadeni mu mahanga.
Kagame wivovotera Arsenal niwe Kagame waruciye akarumira igihe cyose ikipe yitwa ko afana mu Rwanda « Rayon sport » yakomeje kuba mu ruhuri rw’ibibazo, kugeza irindimutse ikaba isigaye iri mu maboko y’abasirikare, bayitobanga.
K’urundi ruhande ariko ntitwasoza tudakomoje k’uburyo umusaruro mubi w’ikipe y’igihugu amavubi utamubuza gusinzira, uburyo ishyirahamwe ry’umupira w’amaguru mu Rwanda n’andi mashyirahamwe byamunzwe na ruswa n’icyenewabo arebera ndetse n’uburyo yizerera mukubona ibisubizo by’ibibazo u Rwanda rufite mu banyamahanga kugeza naho umukino wa Basketball yitwa ko akunda, nyuma yo kubaka Kigali Arena akomeje kuwushyira mu maboko y’abanyamahanga yubaka ikipe ishingiye ku bacanshuro « Patriots Basketball club »
Ntitwasoza iyi nkuru tutababwiye ko Rwabuzisoni nyuma yo kwivovota kuri Twitter Abanyarwanda n’abanyafurika muri rusange bamukubise ahababaza bakamwibutsa ko byaba byiza ahereye mu kwinubira umusaruro mucye ugaragara mu mikino mu Rwanda cyane cyane ikipe y’igihugu y’umupira w’ amaguru amavubi kandi ntakomeze gusesagura imisoro y’Abanyarwanda mu makipe yo mubihugu byagashize !
Kagame we, baraguhanura n’uko nta wuhana uwahanutse ! Uzumva ryari koko !? 🤔
Byamukama Christian