Yanditswe na John MIRABYO
Bavandimwe, mwiriwe neza?
Twebwe abacikacukumu mu biganiro tumaze igihe tugira hirya no hino mu gihugu cyacu, abo tuziranye mu ma groups atandukanye, twaganiriye dusanga ari ngombwa ko tubwira abacikacumu n’abandi banyarwanda ubu butumwa bukomeye kandi bwuzuye UKURI tutemerewe kuvuga muri uru Rwanda. Icyo nifuza ko mutubariza Abanyarwanda, abayobozi n’abayoborwa, ni ikintu kimaze kuba iturufu y’ubu butegetsi bwa FPR cyo kuvuga ko uvuze ibyaha yakoze aba apfobeje Jenoside.
Mbabwize ukuri njyewe ndi umucikacumu wo mu karere ka Nyabihu, ariko nagiraga imiryango mu Ntara y’i Burasirazuba no mu Majyepfo, hose aho mvuze ni iwacu pe. Ukuri mbabwira kandi tumaze kumva turambiwe utakumva ni uko uru Rwanda Rwahemukiwe na:
– Politiki y’ivangura yaranze u Rwanda mu mateka yarwo,
– Ubujiji bwa bamwe mu banyarwanda bahisemo kwimika urwango, maze Abatutsi bahura n’isanganya kuva muri 1959, cyane cyane abateremeraga kuyoboka ubutegetsi bwari bushya.
– Abatutsi ibibazo barabigize muri Repubulika ya 1 n’iya 2 birundukira kuri Jenoside bakorewe.
JENOSIDE YATEWE NA NDE?
Mu by’ukuri tuzi neza ko Leta ya Habyarimana ubwo yari mu mishyikirano ya Arusha, twumvaga bizakunda Abanyarwanda bagataha mu gihugu cyabo maze intamabara igasozwa no gusangira ibyiza by’igihugu. Gusa itozwa ry’interahamwe ryari riteye ikibazo kuko bari bafite ubugome bukomeye bwo kwica Abatutsi bari mu gihugu. Nubwo Abatutsi bapfuye na mbere ya 6/04/1994, iyo FPR itarasa indege ya Habyarimana ikemera gutaha mu gihugu ingabo zikavangwa ntabwo tuba twarageze kuri jenoside pe!
Rero, Kagame Paul afata icyemezo cyo kurasa indege ya Habyarimana akica abaperezida babiri bisobanuye ibintu bibiri:
1. Ko FPR yabonaga kuza gufatanya na MRND n’andi mashyaka yari mu Gihugu bitari kuyiha imbaraga yashakaga, bityo ihitamo kuburizamo ishyirwa mu bikorwa ry’ayo masezerano. Yayobeje icyo ibihugu byari bihugiyeho, maze jenoside iba ikiraro cyo kugera ku butegetsi.
2. Kwica Perezida yari azi ko interahamwe zitari buzuyaze kutwica. Yahisemo ko aca umutwe MRND, abone uko anesha ingabo maze ubwicanyi bwaba bukorwa n’interahamwe bugirire akamaro FPR ko gusobanura impamvu amahanga akwiye kumva ko ifite impamvu yumvikana (legitimate cause) yo kurwana. Mbibutse ko tuzi neza ukuntu FPR yaje igamije gufata ubutegetsi, yagira amahirwe abo ibashije kurokora basigaye ikabifashisha mu gusobanura icyo yise GUHAGARIKA GENOCIDE.
FPR ntiyateye ije guhagarika jenoside kuko muri 1990 ntibari bazi ko izaba. Gusa kwica Habyarimana byabaye impamvu bitwaza ko Interahamwe zirimo kwica abantu bityo barimo kurwana bajya gukiza abantu. NO WAY!!!
Hateguwe escadron de la mort zigenda zica abantu mu burasirazuba, kugira ngo abazatahuka bazabone aho gutura, ibi nabiganiriye n’umwana mbyaye wari muri RPA n’ubu aracyariho ni ofisiye mu ngabo z’u Rwanda. Mwene ubwo bwicanyi FPR yabukoze mu gihugu cyose. I Mushubati hari inzu yari yuzuye imirambo bakuyeho igisenge isazi zitumuka nk’inzuki. Kigali bishe banashaka kubohoza imitungo. Abagogwe bishwe muri 1993 bishwe n’ingabo za RPA twaje kubimenya ngo babeshyere ubutegetsi bwa Habyarimana. Ariko iyi kinamico koko!!! Tuzi ko FPR yoherezaga abasirikari basa n’Abahutu bakambara imyenda y’Interahamwe bakajya kuri barriere muri KIGALI, GITARAMA n’ahandi. Erega nta kitamenywa!
FPR yambaga mu mutima ariko ndebye amateka, intera ubwoba pe, numva no kuyivuga bintera isoni muri njye. Imana izambabarire kuba narayikomeye amashyi nkaba nsaruye umwaku!
NINDE WAHEMUKIYE U RWANDA?
Mu mahano ya jenoside, INTERAHAMWE na FPR bagomba kumenya ko bahemukiye u Rwanda. Interahamwe zishe Abatutsi n’Abahutu bise ngo modérés. FPR na yo yica Abahutu mu bwicanyi kabombo hose mu Rwanda, kugeza i Kibeho na DR Congo, ndetse na SADEC nigeze kumva udutero tw’intore. FPR kandi yishe Abatutsi batagira ingano, ABANYAKIBUYE (Assiel, Assinapol, Rutabana (bashimuse umwaka ushize bakamunyuza Kibagabaga muri za nzu twumva z’ikuzimu), Seth Sendashonga, n’abandi bageze ijanja nk’umugabo nkunda witonda w’umuhanga witwa SEBARENZI), RWISEREKA baciye umutwe i Butare, ariko by’agahebuzo uwo bazazira kugeza isi irangiye ni umwana wacu KIZITO MIHIGO.
NONE UVUZE KO FPR YISHE ABANTU, UMUNTU NKA DR BIZIMANA WITWA KO YIZE AMATEGEKO ANARENGERE INYUGU ZACU NGO UVUZE UBWICANYI BWA FPR NGO ARAPFOBYA JENOCIDE NTA N’ISONI AFITE! ESE IBYO YIZE BIMAZE IKI. UBUNDI BIVUZWE NA TOM NDAHIRO TWABYUMVA KUKO NA WE MBONA ARI UMUGABO WONSE URWANGO AKIRI MUTO. NAREKE KUTUVUGIRA, TWE TWEMERA KO NTA BUNYARWANDA BUTAGIRA UBUMUNTU. DUKENEYE URUKUNDO KIZITO YATUBWIYE. NTAGO TWAZARAGA ABANA BACU UBWIYUNGE BWA BARINGA POLITIKI IRIHO ITWEREKA, HUZUYE MUNYANGIRE, NO KUBESHYA KUDATERA ISONI N’ABAYOBOZI.
Urugero: Iyo Tom NDAHIRO n’abandi bayobozi bavuga ko INGABIRE Victoire afite ingengabitekerezo, baba babeshya ba nde koko? Ibyo yavuze nta cyaha kirimo kandi agahwa kari kuwundi koko karahandurika, None se ko duhora tubona imibiri ikitwa iy’Abatutsi, ubwo iy’Abahutu yarayenze cyangwa yaratumutse mu kirere. Ariko ye! Utazi ubwenge ashima ubwe.
TWUMVISE IGITABO CY’UMUZUNGU KIVUGA KU BWICANYI NAVUZE BIRADUSHIMISHA. EREGA NTIWAKOMEZA KWIGIRA UMWERE, INTOKI ZAMBAYE AMARASO!
Rero nibareke abantu bose bavuge agahinda kabo, twibuke bose kuko ntibagombaga gupfa pe. Interahamwe na FPR bagomba guca imbere y’inkiko za hano mu Rwanda cyangwa mpuzamahanga ndetse n’ibindi byose bifite ububasha kuburanisha ibyaha nka biriya mpuzamahanga. FPR nubwo yagerageje kuvuga ko ibyo yakoze bitakwitwa jenoside, nisobanurire Abanyarwanda uko ibibona, kandi yicishe bugufi kuko bigomba guhinduka vuba cyane kandi ntibikwiye kumena amaraso y’abana b’u Rwanda hejuru y’abantu bake barinze ibyo bibye igihugu.
IKITWA INGENGABITEKEREZO NIKIREKE GUKORESHWA NK’ITURUFU YO KWITA BAMWE ABANYABYAHA MU GIHE ABICANYI KABOMBO BAGARAMYE MU BUTEGETSI BWADUFUNZE UMUNWA. AHO IMINWA YACU IZAFNGUKIRA BABYITEGE, KUKO IMANA IZADUHA IGISUBIZO: IZADUHA KWIGIRA NYABYO, KUBAHANA NO KUBANA MU BWIGENGE N’UKURI TWIFUZA. TUZACA MUNYANGIRE, TWIMIKE GUKUNDANA BYA NYABYO.
UBUTUMWA KU BACITSE KU ICUMU MU RWANDA
1. Tureke kurwana intamabara itari iyacu.
2. Uvuze ko Abahutu bishwe na FPR ntabwo aba apfobeje jenoside yadukorewe. Gute se? Abize amategeko nibatubwire uko kuvuga amahano ya FPR bipfobya jenoside yadukorewe? Ikinyoma nk’iki dukwiye kugikubitira ahakoropye, kandi bikaba indirimbo n’inyikirizo ya buri munyarwanda utarijanditse mu kwica Abanyarwanda.
3. Abitwa ko baduhagarariye muri IBUKA na CNLG twamaze kubona ko bahindutse imirya y’inanga ya FPR kuko ni yo ibagenera ubuzima babayemo, ikanababwira ibyo bayivugira. Ibyo turabyamaganye mu nyuguti nkuru. NTA RUVUGIRO DUFITE HANO MU RWANDA RWO GUCISHAMO IRI JWI ARIKO TWAFASHE ICYEMEZO CYO KUBIBWIRA ABO DUSANGIYE KURYA INKUNA NGO DUCE INZIGO KURI KANYARWANDA TUBANE MU KURI.
4. Kizito Mihigo yaturushije ubupfura, ariko abamwishe bo bashakaga ko dukangukana imbaraga, nibitonde rero, tubirimo kandi tuzahagurukana umujinya mwiza, tuve mu byishimo bibi n’icuraburindi baturundiriyemo muri radiyo Rwanda na TVR n’abandi batatubwira ibibazo bakaduhoza mu ikomamashyi riducurika ubwenge ubutitsa.
5. Twese Abanyarwanda aho tuva tukagera tugomba gusangira umuco n’urukundo mu kuri, twitandukanyije n’agatsiko ka FPR kica buri wese, kakarya akaribwa n’akataribwa.
6. Abacikacumu nka Gatera bashatse kwigarurira ibya Rwigara, na Lt Col Gerard Nyirimanzi warokokeye mu mayaga n’abandi boheje kunenga Kizito bazengurutswe n’inkarabankaba za Kagame ngo yahimbye igisobanuro cy’urupfu nta soni! Amateka azabibabaza iteka ryose, kandi ijwi ry’uriya mwana IBUKA yirengagije na ziriya baringa z’abadepite rizabahora mu matwi. Mwibuke ko mwabyaye kandi mutekereze urukundo mukunda abana banyu twifuriza ibyishimo.
7. Rero, banyarwanda, cyane cyane bacikacumu, dukwiye kureka kuguma kuba imizindaro y’uwo ari we wese waba yarahemukiye u Rwanda n’Abanyarwanda. Dr Bizimana n’abandi muzi ubwenge kandi mumenye ko FPR ikurangiza imaze kugukoresha ibyo ishaka. Mufate urugero rwa Mucyo Jean De Dieu yari amaze gusohora rapport yamwitiriwe aho yajyanye ikinyoma yabeshye isi ko Paul Kagame atahanuye indege ya Habyarimana, kandi Paul Kagame ubwe yarabyiyemereye igihe yavugaga ko na we iyo amutanga aba yaramwishe.
8. Niba hari n’umucikacumu waba yarafatanyije na FPR kwica Abahutu, na we ntidukwiye kumwibagirwa kuko ubutabera bwuzuye burakenewe. ntabwo twabana mu gihugu cyuzuye ikinyoma gikeneye gukubitirwa ahakubuye, twatoye imvugo yanyu bavandimwe bana bacu mwarebye kure.
Interahamwe na FPR nibemere ko ubutabera bukenewe, turifuza amahoro.
MURAKOZE CYANE! BANA BACU BARYANKUNA, TURABAKUNDA KANDI CYANE! TURI IJISHO RYANYU.
John MIRABYO
Bigogwe – Nyabihu