Yanditswe na Honoré Murenzi
Tariki ya 12 Ukwakira 2020, inama y’abaministri yateraniye muri Village Urugwiro iyobowe na Pawulo Kagame yemeje ko igihingwa cy’urumogi ubu cyemewe guhingwa no koherezwa mu mahanga ku mpamvu y’Ubuvuzi.
Nyuma y’iyo nama, Abanyarwanda batandukanye hirya no hino ku isi bifashishije imbuga nkoranyambaga cyane cyane Twitter bagaragaje icyo babivugaho.
Doreen Umwiza yagize ati : “Urakoze RPF inkotanyi nari narabuze umuti, ariko uyu wavuye Nyungwe wujuje ubuziranenge #Urumogi”
Perezida w’imihanda kuri Twitter, Rutembesa, we yashatse izina Made in Rwanda rwicyo gihingwa gishya : “Ese Nyirangarama niyemererwa guhinga urumogi azarwita ngwiki ? Agatabi? Akamogi ?, AkaBushali ?”
Umwamikazi wa ba Slay Queen mu Rwanda, Shaddyboo, we yahise yisabira guzagasogongera : “Tuzatangira guhinga urumogi ryali? None se bazajya batureka twumve ko ruryoshye ? Nka kuriya twumwa icyayi”.
Hari nabirinze kuruvuga mu buryo bweruye ahubwo bagakoresha izina ryarwo rya gihanga (nom scientifique) ariryo Cannabis cyangwa se bakabyita igihingwa gishya : “Hoya ntago bavuga urumogi bavuga Cannabis urumogi ni ibishegu.”, “Ese abanyamakuru mwaretse gukoresha ijambo cannabis ko tuzi ko mu Kinyarwanda ari “URUMOGI…” nkuko byanditswe na Uwase Ange na Ndayi Mwene Mikizi.
August.Mavebo we yabihuje n’ibihe ubutegetsi kwa Kagame bugezemo aho yagize ati : “Laure Uwase arabananiye, Dr Mukwege arabananiye, Judi Rever arabananiye, America, Uburayi, Canada n’Ubwongereza bashyigikiye Mapping Report, yewe nimwicururize urumogi”.
Marius23 we yibukije ko gahunda za FPR ziba ziri mu nyungu zayo, aho yibukije uko caguwa yaciwe, rubanda rugufi rukabihomberamo, Moshions ikimikwa. Yagize ati : “Tayali bagiye guca urumogi rwa caguwa bazane ururiho imigongo”.
Ikinyamakuru Jeune Afrique cyo cyashushanyije umunyagitugu Paul Kagame kimwitirira aya magambo : “Muhinge ibyo mbategetse, ntimunkwe ibyo muhinga”
Nema Ange, we yibajije, amaze kubona amashusho ya Cyomoro Kagame, igikomangoma cyagabiwe RDB, niba atari we wazanye icyo gitekerezo cy’igihingwa gishya, kugirango nyuma y’akazi ajye anyarukira muri Nyungwe!
“Nuko turumirwa”, uwo akaba ari umwanzuro wa Denise Zaneza.
Honoré Murenzi